ఓ స్నేహం... కొంత జ్ఞాపకం -- జయశ్రీనాయుడు

 కొన్ని సాయంత్రాలు 
చల్లిన క్షణాల విత్తులకి 
జ్ఞాపకపు జల్లుల్ని చిలకరించి 
చెరోదారీ పట్టాం 

నీటిని పీల్చిన మట్టిలా 
అదే మామూలు తనాన్ని కప్పెసుకున్నాం 

గడుస్తున్న కాలం ఇసక మేటలా వుంటుంది
నడుస్తున్న మేరా ముద్రలు మాయమే 

అలలా అపుడపుడూ ఉబికి వచ్చిన కన్నీరు
ఒక చెమ్మని హృదయానికి గుర్తుచేస్తోంది 

గుండె తాకిన ఓ నవ్వు ఓ పలకరింపూ
నేలమీదే నీ జ్ఞాపకపు ఆకాశాన్ని పరిచేశాయి 


https://www.facebook.com/groups/kavisangamam/permalink/629587683760654/?notif_t=like