కొన్ని మూగతనాలు
వస్తూ...
పరచుకున్న పచ్చికనంతా
మూటగట్టి
గుండె కు గ్రీష్మాన్ని కానుకగా ఇచ్చి వెళతాయి
కొన్ని
ఆకాశాన్నీ టాస్ వేసి
వెన్నెల్లనీ
వేకువల్నీ దోచేస్తాయి
కొన్ని
తొలి చిగురు చూపై
వేరువరకూ చేరని
నీటి ప్రేమౌతాయి
మామూలుతనమవ్వలేని
అనుభవాలన్నీ
ప్రశ్నార్థకాలవుతున్నపుడు
భారాల్ని రాసే ఘడియల్లో
ఎన్ని పదాల్ని వూరడిస్తే
ఓ కన్నీటి చుక్క కు తులాభారమౌతుంది..???
