చూపు కంటికి మాత్రమే కాదు
మనసుకూ వుంది
స్పందనలోని అర్థం హృదయానికే కాదు
చూపుకూ చేరుతుంది
తెలియకనే పరుగులు తీసిన రోజులు
కనపడని అందాన్ని హత్తుకున్నాయి
చూపూ స్పర్శా కాలమూ చేసిన ఇష్టాగోష్టి లో
ఎన్ని నిశ్శబ్దాలు తమని తాము చెక్కుకున్నాయి
కథలైన మనసు పేజీలు
ఎన్ని రాతలకో సిరా ఐన ఆలోచనలు
పోగేసిన అక్షరాల్లోంచి
భావాన్ని జ్ఞాపకాలుగా వడపోస్తున్నాయి
No comments:
Post a Comment